من المشاكل اللي ممكن تقابلك مشكلة "عفن الخبز" خصوصا مع الحر الشديد اللي احنا فيه..
وعلشان تتخلصي من المشكلة دي يا ريت أول ما تجيبي العيش لو كان لسه ساخن يبقى تهويه كويس وبعد كده تحطيه في كيس نايلون ناشف وتحطيه في التلاجة، وبكده ممكن يعيش معاكي لمدة أسبوع من غير ما يحصل له أي حاجة نهائي ولما تحبي تاكليه تطلعيه وتسيبه لمدة خمس دقائق وبعد كده تسخنيه في المايكرويف أو على البوتجاز .
