الصفحات

صور مانكير flormar

احدث اجدد واروع واجمل واشيك صور مانكير flormar



flormar
لقيت عنده الوان جيدة..بس اخدت لون اخضر “مناكير عادي” و لونين مناكير للرسم ع الاظافر
نبدا باللون الاول
هذا المناكير من النوع الشفاف و اللي تحتاجي المفروض تلاته طبقات عشان يتعزز اللون..لكن اللي حصل معايا اني احتجت اربعه طبقات و يمكن خمسة كمان..لانه اللون شويه مبين ظفري.
طريقة وضعه سهله بس يبغالكم تنتبهوا عشان ما حيسير متساوي مع كتر الطبقات بالاضافة الي انه عشان تحافظي ع اللون من انه يخرب..لازم تنتظري عشرة دقايق بين كل طبقة و طبقة بالاضافة الي اللون الشفاف اللي بتنهي بيه العملية دي
هذه الصورة اللي تحت لما كنت حاطة طبقتين بس
الفرق واضح زي ما انتوا ملاحظين
سعرها  16 ريال سعودي
نجي دحين للرسم ع الاظافر
عندنا لونين..الابيض و الازرق
شي تاني ضايقني اللي هو انه اللون الازرق طلع برضو شفاف
لكن الابيض يساعد كتير في هادي الحالة
في دي الصورة جربت الازرق و الابيض علي خلفيتين وحدة فاتحة و وحدة غامقة عشان نشوف الفرق في تعزيز اللون
اللون الابيض باين ع الخلفيتين..اما الازرق فاذا ملاحظين باين ع الخلفية الفاتحة اكتر
لكن الابيض حيساعد زي مو موضح في الصورة هادي
ــــــــــــــــــــــــــــــــ
للاسف مافي فرع فلومار في جدة
لكنني عرفت انه فيه محل او محلين في مكة بيبيعوه واحد منهم اسمه روعة للتجميل
بالنسبة لمناكير الرسم ع الاظافر تقدروا تلاقوا بديل له في محل في التحلية سنتر من البوابة اللي جمب بوابة سيفورا بالظبط..المحل حتلاقيه علي يمينك بعد الصيدلية هو يبيع ماركة
Stargazer
العلبة ب 250 ريال
او اقلام كوناد للرسم ع الاظافر من كشك كوناد اللي في رد سي مول اخر دور


...

المشاركات الشائعة