المقادير:
طماطم
فلفل أخضر
باذنجان
بطاطس
كوسه
بصل
ثوم
لحم مفروم
نصف علبة قشطة خفق
معجون طماطم
ملح - بهارات
الطريقة:
أول شي تقطعين بطاطس وباذنجان وكوسى حلقات وتقلينهم في زيت
البطاطس بعدين الكوسى بعدين الباذنجان
بعدها تحمسين بصل وثوم وطامطم مع شوية زيت وتحطين عليهم اللحم المفروم والبهارات ومعجون الطماطم ونص كاس ماء وتتركينه يتسبك وتخففين حرارة النار
يعني لما يستوي يكون فيه شوية موية ما يكون ناشف
نجي للطبقات :
ناخذ صينية بايركس ونصف فيها صف بطاطس مقلي ومملح شوي
بعدين نرص فوقه الباذنجان والكوسى
بعدين نرص حلقات الفلفل الأخضر
ونرص حلقات الطماطم
ونضع عليه اللحم المفروم
ونصف طبقة ثانية من حلقات الباذنجان المقلية
آخر شي تخلطين قشطة الخفق مع شوية ملح وفلفل أبيض وتصبينها فوق الباذنجان وتذخلين الصينية الفرن من تحت وفوق تقريباً نص ساعة
هذا شكلها بعد ما طلعت من الفرن
وهذا بعد التقطيع
وتقدمينها مع الخبز
وجربيها مع الرز الأبيض
