المقادير:
1 كيلو لحم مفروم
1علبه صغيره زبادي
1 ملعقه أكل سماق
1ملعقه أكل دبس رمان (اذا ماشي حطي شويه ملح اليمون شويه بس الانه وااايد حامض )
1 فص ثوم مفروم
1 فلفل رومي مقطع مكعبات صغيره ملح+فلفل أسود+فلفل أبيض+كزبره ناشفه عصير نص ليمونه فلفل حار (حسب الرغبه) صلصه طمام2 بصل مفروم 3طماطم مقطعه مكعبات صغيره
بقدونس و نعناع حسب الرغبه
خبز لبناني خفيف
الطريقه:
يوضع اللحم في جدر على النار ويترك حتى يستوي وينشف ماؤه وبعدين حطيه في صحن حتى يبرد (طبعا عشان نبا نستخدم نفس الجدر مب كل شوي جدر) المهم خلي اللحم يبرد شوي وحطي فوقه الملح والبهارات والزبادي والسماق ودبس الرمان والليمون و بعدين حطي البصل في الجدر مع زيت واحمسيه وحطي فوقه الثوم و الطماطم والفلفل وشوي ملح واتركيه ينشف الماي وحطيه فوق اللحم واخلطيهم
و بعدين حطي شويه صلصه طمام
وبعدين قصي الخبز اللبناني مثلثات و خرسيه شويه زيت زيتون من داخل و برع
واحشيه بس لاتكثرين الحشوه يعني طبقه خفيفه وتكونين مسخنه الشوايه الكهربائيه وادهنيها شوي زيت وحطي العرايس وحمريها الين تشوفين خطوط واضحه على الخبز وحطيها بحافظه الين وقت التقديم عشان ماتنشف وتبرد و بعدين زيني الطبق على راحتج
و هذي الشكل النهائي
