المقادير حسب حاجتك طبعا
نحتاج لحمة مقطعة شرائح بقر تكون طريه يعني سريعة النضج
ونحتاج بصلة وفليفلة ملونة اخضر واحمر مقطعة شرائح
سمون مقسوم لنصفين
الطريقة
نضع شوية زيت بالمقلاية ونقلي البصل والفليفلة لحد ما يذبلوا ثم نرفعهم ونضعهم في طبق
في نفس المقلاة نقلي اللحمة مع التحريك كل شوي نتركها حتى تتشرب ماءها وتستوي ثم نضيف البصل والفليفلة المقلية ونضيف ملح وبهار ونحرك جيدا ونرفعها عن النار ونتركها جانبا
نجيب السمون ونضعه في صينية الفرن وندهنه شوي بالزيت ونحطه دقائق بالفرن لحد ما يقرمش شوي
لعمل الصوص
نحتاج مستردة ومايونيز لازم كمية المايونيز والمستردة يكونوا متل بعض يعني اذا حطيتي ملعقة مايونيز حطي ملعقة مستردة وهكذا واخلطيهم مزبوط
والخطوة الاخيرة ادهني السمون بالصوص اللي عملناه
ضعي اللحمة فوقه ورشي شوية جبنة عالوج
وحطيها بالفرن من فوق بس حتى يذوب الجبن شوي
وقدميها ساخنة مع بطاطا مقلية وسلطة
